طالبك خذ قلبي معك لاتخليه
اخذه ترى ماعاد لي فيه حاجه
لاصرت عني مبعد وش ابي فيه
خله معك مادام صعب نتواجه
اول خفوقي صوتك العذب يحييه
واليوم ماحصلت الا انزعاجه
نوره طفى من عقب ما كنت مضويه
عقبك خفوقي بات مطفي سراجه
مالي مزاج احب غيرك واحاكيه
حتى لواني كنت داخل مزاجه
غلاك مهما كان ماني بناسيه
منساه لو غيرك ضحك لي حجاجه
انت بحياتي وين مارحت الاقيه
القاك في حزن العمر وابتهاجه
اموت في جرحك واحبه واداريه
وخايف مع الايام القاء علاجه
كن النظر من يوم غبت معميه
احرجت قلبي وانت سبة احراجه
كمل جميلك طالبك لاتخليه
اخذه ترى ماعاد لي فيه حاجه
الخميس أبريل 21, 2011 9:48 pm من طرف morooj11
اليومية
موضوع: طالبك خذ قلبي معك لاتخليه